Бразилия терма жамоаси бош мураббийи Карло Анчелотти Винисиус Жуниорнинг хатти-ҳаракатлари ҳақида гапирди.

- Сиз деярли ҳар доим Винисиуснинг шиддатли характерини жиловлашга ва маслаҳат беришга муваффақ бўлгансиз. У алмаштирилганидан кейин класикода нима бўлганини кўрдингиз. Сизнингча, бу хато бўлдими?

- У шунчаки хатога йўл қўйди ва "Реал"даги янги ролини, кийиниш хонасидаги аввалгига қараганда муҳимроқ ролини тушуниши керак. У хато қилди, узр сўради ва бундан сабоқ олиши керак. Мураббий жамоани кучайтирмоқ учун зарур бўлган алмаштиришларни амалга ошириш ҳуқуқига эга.

- Винисиусга "Олтин тўп"ни ололмагани қаттиқ таъсир қилдими? Мукофотланишдан олдин у бутунлай бошқача эди.

- Эҳтимол, бу унга бироз таъсир қилгандир, лекин ҳозир Вини ўзининг энг яхши формасига яқин. У жуда яхши ўйнайди, асосий ўйинчи. Винининг феъл-атвори кучли, у ўз хатолари ёки танқидларга унчалик эътибор бермайди. У тезда олдинга силжимоқда. Ишончим комилки, Вини жаҳон чемпионатига ажойиб формада етиб келади", - деди Анчелотти.