Leverkuzenning "Bayer" klubi qanot himoyachisi Alexandro Grimaldo "Bavariya" qiziqishlari doirasiga tushib qoldi. Bu haqda Kicker xabar bermoqda.
Manbaga ko‘ra, myunxenliklar ispaniyalik futbolchini diqqat bilan kuzatishmoqda. Balki "Bavariya" yaqin transferlar davrida "Bayer"ga Grimaldo bo‘yicha rasmiy taklif bilan chiqishi mumkin.
Joriy mavsumda 30 yoshli himoyachi 15 ta o‘yinda maydonga tushib, 7 ta gol va 4 ta assistni o‘z hisobiga yozdirib qo‘ydi. Grimaldoning leverkuzenliklar bilan shartnomasi 2027 yilning yozida yakuniga yetadi. Transfermarkt portali futbolchini 30 mln yevroga baholamoqda.













