Леверкузеннинг "Байер" клуби қанот ҳимоячиси Алехандро Гримальдо "Бавария" қизиқишлари доирасига тушиб қолди. Бу ҳақда Kicker хабар бермоқда.
Манбага кўра, мюнхенликлар испаниялик футболчини диққат билан кузатишмоқда. Балки "Бавария" яқин трансферлар даврида "Байер"га Гримальдо бўйича расмий таклиф билан чиқиши мумкин.
Жорий мавсумда 30 ёшли ҳимоячи 15 та ўйинда майдонга тушиб, 7 та гол ва 4 та ассистни ўз ҳисобига ёздириб қўйди. Гримальдонинг леверкузенликлар билан шартномаси 2027 йилнинг ёзида якунига етади. Transfermarkt портали футболчини 30 млн еврога баҳоламоқда.
