Ekvadorlik himoyachi Vilyan Pacho "PSJ" bilan yangi mehnat shartnomasini imzoladi. Bu haqda RMC Sport xabar bermoqda.
Manbaga ko‘ra, 24 yoshli futbolchi Fransiya grandi bilan shartnomasini 2030 yilgacha uzaytirgan. Yangi shartnoma bo‘yicha Pachoning maoshi oshirilishi aytilmoqda. Rasmiy e’lon bir-ikki haftadan keyin chiqishi kutilmoqda.
"PSJ" Pachoni 2024 yilda "Ayntraxt"dan sotib olgandi. Joriy mavsumda himoyachi barcha musobaqalarni qo‘shib hisoblaganda 13 ta o‘yinda maydonga tushib, bitta gol urishga muvaffaq bo‘ldi.













