Эквадорлик ҳимоячи Вильян Пачо "ПСЖ" билан янги меҳнат шартномасини имзолади. Бу ҳақда RMC Sport хабар бермоқда.
Манбага кўра, 24 ёшли футболчи Франция гранди билан шартномасини 2030 йилгача узайтирган. Янги шартнома бўйича Пачонинг маоши оширилиши айтилмоқда. Расмий эълон бир-икки ҳафтадан кейин чиқиши кутилмоқда.
"ПСЖ" Пачони 2024 йилда "Айнтрахт"дан сотиб олганди. Жорий мавсумда ҳимоячи барча мусобақаларни қўшиб ҳисоблаганда 13 та ўйинда майдонга тушиб, битта гол уришга муваффақ бўлди.













