Ispaniya terma jamoasi bosh murabbiyi Luis de la Fuente jamoa yarim himoyachisi Dani Olmo haqida fikr bildirdi.

"Dani bir necha pozisiyada o‘ynay oladigan futbolchi. U terma jamoada juda yuqori saviyada o‘ynamoqda. U to‘liq ishonsa bo‘ladigan futbolchi. U o‘ynaydimi yoki yo‘qmi, jamoaga yordam berish uchun doim yonida bo‘ladi," - deya de la Fuentening so‘zlarini keltiradi Barca Universal.

Ispaniya terma jamoasi safida 27 yoshli Olmo 45 ta o‘yinda maydonga tushib, 11 ta gol urdi va 10 ta golli uzatma muallifiga aylandi.