Argentina terma jamoasi darvozaboni Emiliano Martines Italiya terma jamoasi bosh murabbiyi Jennaro Gattuzoning yaqinda bergan bayonotiga munosabat bildirdi.
Italiyaliklar ketma-ket uchinchi jahon chempionatiga chiqa olmaslik xavfi ostida - katta ehtimol bilan ular pley-off yo‘llanmasi uchun kurashishlari kerak bo‘ladi. "Adzurra" bosh murabbiyi bu borada o‘z fikrlarini bildirib, Janubiy Amerika terma jamoasiga Yevropaga qaraganda mundialga chiqish osonroq ekanligini ta’kidladi.
"Evropada har doim suv sepilgan ideal maydonlarda o‘ynashadi. Ular Janubiy Amerikada o‘ynash nimaligini bilishmaydi, shuning uchun ba’zi qiyinchiliklar haqida eshitishmagan ham," - dedi Martines DSports’ga bergan intervyusida.
