Аргентина терма жамоаси дарвозабони Эмилиано Мартинес Италия терма жамоаси бош мураббийи Женнаро Гаттузонинг яқинда берган баёнотига муносабат билдирди.
Италияликлар кетма-кет учинчи жаҳон чемпионатига чиқа олмаслик хавфи остида - катта эҳтимол билан улар плей-офф йўлланмаси учун курашишлари керак бўлади. "Адзурра" бош мураббийи бу борада ўз фикрларини билдириб, Жанубий Америка терма жамоасига Европага қараганда мундиалга чиқиш осонроқ эканлигини таъкидлади.
"Европада ҳар доим сув сепилган идеал майдонларда ўйнашади. Улар Жанубий Америкада ўйнаш нималигини билишмайди, шунинг учун баъзи қийинчиликлар ҳақида эшитишмаган ҳам," - деди Мартинес DSports’га берган интервьюсида.
