Portugaliya terma jamoasi JCH-2026 saralashi guruh bosqichi so‘nggi turida Armaniston ustidan yirik hisobda g‘alaba qozondi - 9:1. O‘yin Portudagi "Dragau" stadionida bo‘lib o‘tdi.
Mezbonlar safida Joau Nevesh va Brunu Fernandesh 3tadan gol urdi. Shuningdek, portugaliyaliklardan Renatu Veyga, Gonsalu Ramush va Fransishku Konseysau o‘z hisobiga gol yozdirib qo‘ydi.
Mehmonlarning yagona goliga "Krasnodar" yarim himoyachisi Eduard Spersyan mualliflik qildi.
Portugaliya 13 ochko jamg‘arib, F guruhida 1-o‘rinni egallab, 2026 yilgi jahon chempionatiga yo‘l oldi.
JCH-2026 saralashi. Yevropa. 10-tur. "F" guruhi
Portugaliya - Armaniston - 9:1
16-noyabr, 19:00. "Dragau" (Port-u)
Gollar: Veyga, 7 (1:0). Spersyan, 18 (1:1). Ramush, 28 (2:1). Joau Nevesh, 30 (3:1). Joau Nevesh, 41 (4:1). Brunu Fernandesh, 45+3 - penaltidan (5:1). Brunu Fernandesh, 52 (6:1). Brunu Fernandesh, 72 - penaltidan (7:1). Joau Nevesh, 81 (8:1). Konseysau, 90+2 (9:1)
Portugaliya: Koshta, Ruben Diash (Mateus Nunes, 73), Veyga, Joau Kanselu (Ruben Nevesh, 73), Semedu, Bernardu Silva (Borjesh, 56), Vitinya (Joau Feliks, 67), Joau Nevesh, Leau (Konseysau, 56), Brunu Fernandesh, Ramush
Armaniston: Avagyan, S. Muradyan (Bandikyan, 82), Mkrtchan, Tiknizyan, Piloyan (Arutyunyan, 56), K. Muradyan, Spersyan, Agasaryan (Sevikyan, 46), Serobyan (Shagoyan, 46), Oganesyan, Ranos (Eloyan, 65)
Ogohlantirish: S. Muradyan, 70
