«Manchester Siti» va Norvegiya terma jamoasi hujumchisi Erling Xoland milliy jamoaning 2026 yilda AQSH, Kanada va Meksikada bo‘lib o‘tadigan jahon chempionatiga tarixiy chiqishi munosabati bilan ijtimoiy tarmoqda post e’lon qildi. Bu Italiyaga qarshi saralashning 6-turidagi uchrashuv (4:1)dan so‘ng ma’lum bo‘ldi. Xoland ushbu bahsda dubl qayd etdi.
«Nihoyat!» — deb yozdi Xoland X ijtimoiy tarmog‘ida Norvegiya bayrog‘i emodzisi bilan.
Qayd etish kerak, Norvegiya terma jamoasi Italiya, Moldava, Isroil va Estoniya ishtirok etgan guruhda birinchi o‘rinni egallab, mundialga to‘g‘ridan-to‘g‘ri yo‘llanmani qo‘lga kiritdi. Jamoa saralashdagi barcha sakkiz o‘yinni g‘alaba bilan yakunladi va to‘plar nisbati 37:5ni tashkil etdi. Shuningdek, 25 yoshli Xoland UYEFA mintaqasida JCH–2026 saralash bosqichi to‘purarlar ro‘yxatida 16 ta gol bilan katta peshqadamlik qilmoqda — eng yaqin ta’qibchilaridan 8 gol oldinda.













