«Манчестер Сити» ва Норвегия терма жамоаси ҳужумчиси Эрлинг Холанд миллий жамоанинг 2026 йилда АҚШ, Канада ва Мексикада бўлиб ўтадиган жаҳон чемпионатига тарихий чиқиши муносабати билан ижтимоий тармоқда пост эълон қилди. Бу Италияга қарши саралашнинг 6-туридаги учрашув (4:1)дан сўнг маълум бўлди. Холанд ушбу баҳсда дубль қайд этди.
«Ниҳоят!» — деб ёзди Холанд X ижтимоий тармоғида Норвегия байроғи эмодзиси билан.
Қайд этиш керак, Норвегия терма жамоаси Италия, Молдава, Исроил ва Эстония иштирок этган гуруҳда биринчи ўринни эгаллаб, мундиалга тўғридан-тўғри йўлланмани қўлга киритди. Жамоа саралашдаги барча саккиз ўйинни ғалаба билан якунлади ва тўплар нисбати 37:5ни ташкил этди. Шунингдек, 25 ёшли Холанд УЕФА минтақасида ЖЧ–2026 саралаш босқичи тўпурарлар рўйхатида 16 та гол билан катта пешқадамлик қилмоқда — энг яқин таъқибчиларидан 8 гол олдинда.













