Stefano Pioli Italiya chempionatiga zafarli qaytishni uddalay olmadi. U "Fiorentina"dan ishdan bo‘shatildi. Florensiya klubining sobiq ustozi Chezare Prandelli mutaxassisning yonini oldi. Uning fikricha, sodir bo‘lgan voqeada murabbiydan ko‘ra ko‘proq futbolchilarning aybi bor.

"Pioli "Fiorentina" uchun to‘g‘ri tanlov ekaniga ishonchim komil edi. Ammo klubda muammo bor, to‘g‘ri struktura yo‘q. Agar siz murabbiyga sarmoya kiritgan bo‘lsangiz, unga vaqt berishingiz kerak. Pioli yagona javobgar bo‘lishi mumkin emas, men talablarga javob bermaydigan va zaif natijalar uchun javob berishni istamaydigan o‘yinchilarni ko‘ryapman", - deya Prandellining so‘zlarini keltiradi pianetamilan.it.

"Fiorentina" A Seriyada so‘nggi o‘rinda bormoqda.