O‘zbekiston milliy jamoasi bosh murabbiyi Fabio Kannavaro Eronga qarshi o‘yindan keyin o‘z fikrini bildirdi.

"Eron Osiyodagi eng kuchli jamoalardan biri. Bu jamoa safida yaxshi murabbiy va yaxshi futbolchilar bor. Ularga qarshi o‘ynash oson emas. Maydonda bir kishi kam bo‘lib qolganimizdan keyin qiyinchilik qarshi tura olishimizni futbolchilarimiz tushunib yetishdi va bir jamoa bo‘lib o‘ynashdi. Bunday kuchli jamoaga qarshi bir kishi kam bo‘lib o‘ynash hamisha qiyin bo‘ladi. Lekin biz vaziyatni juda yaxshi nazorat qildik.

Birinchi kuni aytib o‘tganimdek, jamoada ko‘p narsani o‘zgartirishni istamayman. Jamoadagi ba’zi jihatlarni yaxshilashga harakat qilaman. Ko‘proq himoyadan orqali hujumga o‘tishga, balansni ushlashga harakat qildik. To‘p bilan ham, to‘psiz vaziyatlarda ham. Ba’zi vaziyatlarda yuqori pressing uyushtirishga intildik. Bizda vaqt kam bo‘lgani uchun ko‘p narsalarni o‘zgartira olmaymiz. Terma jamoa safida juda aqlli futbolchilar borligi — bu mening omadim. Ular mashg‘ulot jarayonida zavq bilan ishlashyapti.     Terma jamoada ichki muhit yaxshi ekanini ko‘ryapman. Lekin albatta jismoniy jihatdan yaxshilashimiz kerak bo‘lgan jihatlarimiz bor.

Yaqinda futbol mavsumi yakuniga yetadi. Yevropada futbolchilar uchun esa mavsum davom etadi. Shuning uchun martdagi yig‘inimiz ham oson bo‘lmaydi. Shunga qaramay, jismoniy jihatdan o‘sishimiz kerak.

Albatta, terma jamoaga jalb etilgan yangi mutaxassislarning foydasi tegadi. Futboldagi mayda detallar keyinchalik yaxshi natijaga olib keladi. Nutrisiolog ish boshlagani uchun g‘alaba qozondik, deb ayta olmayman.

Penaltilar bo‘yicha mashg‘ulotlarda ishladik. Qaysi o‘yinchilar yaxshi penalti tepishini ko‘rib oldim va shundan kelib chiqib futbolchilarni tanladim. Lekin penaltilar yakuni ba’zida ijobiy tugasa, ba’zida salbiy bo‘ladi. Bugun omadimiz keldi va Kubokni O‘zbekistonga olib ketamiz", — dedi Kannavaro.