"Manchester Yunayted" bosh murabbiyi Ruben Amorim yana bir bor o‘zining sxemasi haqida gapirdi. Portugaliyalik avvalroq o‘zi afzal ko‘rgan 3-4-3 dan chetga chiqishni istamagani uchun tanqid qilingan edi.
"Men buni bir necha oylardan beri aytyapman: sxema - bu muammo emas. Sxema nimaningdir boshlanishi. Keyin dinamika, o‘ziga bo‘lgan ishonch, o‘yin uslubimiz, raqobatbardoshligimiz keladi. Agar bu mavsumda biz kurashgan o‘yinlarga qarasangiz, muammo sxemada emas edi. Muammo shiddatlilikning yo‘qligida edi. APLda ko‘p o‘yinda g‘alaba qozonish uchun ideal bo‘lishingiz kerak" - dedi Amorim Stan Sport bilan suhbatda.
"Manchester Yunayted"ning navbatdagi APL o‘yini 24 noyabr kuni "Everton"ga qarshi o‘z uyida bo‘lib o‘tadi.
