Afsonaviy braziliyalik sobiq futbolchi Ziko "An-Nasr" hujumchisi Krishtianu Ronaldu haqida qanday fikrda ekanini aytdi.
40 yoshli portugaliyalik faoliyati davomida gollari sonini mingtaga yetkazishga umid qilmoqda - hozirda uning hisobida 953ta to‘p bor.
"Odamlar uni shunchaki goleador deyishadi, ammo 40 yoshida u boshqalardan ko‘ra ko‘proq yuguradi. Umid qilamanki, u ikki mingta gol uradi. Men uni haqiqiy namuna deb bilaman. U jarohat olmaydi, mashg‘ulotlarni qoldirmaydi. Agar faoliyatimni hozir boshlaganimda, Krishtianu men uchun mo‘ljal bo‘lardi. Afsuski, shu paytgacha u bilan shaxsan uchrashmaganman," - deya Zikoning so‘zlarini keltiradi Al Nassr Zone.
