Афсонавий бразилиялик собиқ футболчи Зико "Ан-Наср" ҳужумчиси Криштиану Роналду ҳақида қандай фикрда эканини айтди.

40 ёшли португалиялик фаолияти давомида голлари сонини мингтага етказишга умид қилмоқда - ҳозирда унинг ҳисобида 953та тўп бор.

"Одамлар уни шунчаки голеадор дейишади, аммо 40 ёшида у бошқалардан кўра кўпроқ югуради. Умид қиламанки, у икки мингта гол уради. Мен уни ҳақиқий намуна деб биламан. У жароҳат олмайди, машғулотларни қолдирмайди. Агар фаолиятимни ҳозир бошлаганимда, Криштиану мен учун мўлжал бўларди. Афсуски, шу пайтгача у билан шахсан учрашмаганман," - дея Зиконинг сўзларини келтиради Al Nassr Zone.