"Bornmut" yanvarda vinger Antuan Semenyoni saqlab qolishi oson bo‘lmaydi. Ganalik joriy mavsumda ajoyib o‘yin namoyish etmoqda va transfer bozorida katta talabga ega.

Nufuzli jurnalist Devid Ornshteynning ma’lum qilishicha, "giloslar"ning 25 yoshli yulduzi uchun bahsda ayni damda "Liverpul", "Manchester Siti" va "Tottenxem" klublari ishtirok etmoqda. Avvalroq boshqa manbalar mersisaydliklar bilan muzokaralar boshlangani, shuningdek, futbolchi Arne Slot jamoasiga o‘tishga tayyorligi haqida xabar bergandi.

Transfermarkt portali Antuan Semenyoning narxini 55 mln yevroga baholamoqda, biroq kelishuv qimmatroq bo‘ladi - 70 mln yevrodan ko‘proq, bu futbolchining "Bornmut" bilan shartnomasidagi tovon puli bandida ko‘rsatilgan.