"Борнмут" январда вингер Антуан Семеньони сақлаб қолиши осон бўлмайди. Ганалик жорий мавсумда ажойиб ўйин намойиш этмоқда ва трансфер бозорида катта талабга эга.
Нуфузли журналист Девид Орнштейннинг маълум қилишича, "гилослар"нинг 25 ёшли юлдузи учун баҳсда айни дамда "Ливерпуль", "Манчестер Сити" ва "Тоттенхэм" клублари иштирок этмоқда. Аввалроқ бошқа манбалар мерсисайдликлар билан музокаралар бошлангани, шунингдек, футболчи Арне Слот жамоасига ўтишга тайёрлиги ҳақида хабар берганди.
Transfermarkt портали Антуан Семеньонинг нархини 55 млн еврога баҳоламоқда, бироқ келишув қимматроқ бўлади - 70 млн евродан кўпроқ, бу футболчининг "Борнмут" билан шартномасидаги товон пули бандида кўрсатилган.
