Londonning "Arsenal" klubi hujumkor yarim himoyachisi Eberechi Eze "Kristal Pelas"dan "kanonirlar" safiga o‘tish xarajatlari tufayli bosimga duch kelmayotganini aytdi.
- Bosim? Yo‘q. Buni imkoniyat deb bilaman. Maydonga chiqish, o‘z ishimni qilish, o‘zimni maksimal ko‘rsatish imkoniyati," - deya Eze so‘zlarini keltirmoqda Evening Standard.
Eslatib o‘tamiz, "Arsenal" o‘tgan yozgi transfer oynasida Ezeni "burgutlar"dan qariyb 70 mln yevroga sotib olgan edi. U "Pelas" safida besh yil davomida to‘p tepdi, o‘tgan mavsumda Angliya kubogi g‘olibi, joriy mavsumda esa Angliya Superkubogi sohibi bo‘ldi.
