"Napoli"ning sobiq vingeri Lorenso Insinye Yevropaga qaytishni rejalashtirmoqda. Bu haqda jurnalist Kerri Xau xabar bermoqda.

Kanadaning "Toronto" klubida o‘tkazgan uch yillik faoliyatidan so‘ng, 34 yoshli italiyalik endi klubsiz. Manbaga ko‘ra, Insinye A Seriyaga qaytmoqchi, ammo boshqa chempionatlar uchun ham ochiq. Masalan, vingerga Bundesliga qiziq. Ta’kidlanishicha, Insinye uchun moliyaviy masala ustuvor emas.

"Toronto" tarkibida Insinye barcha musobaqalarda 76 ta o‘yinda maydonga tushib, 19 ta gol urdi va 16 ta golli uzatmani amalga oshirdi. Futbolchi o‘tgan yozdan beri yangi jamoa qidirmoqda.