"Наполи"нинг собиқ вингери Лоренцо Инсинье Европага қайтишни режалаштирмоқда. Бу ҳақда журналист Керри Хау хабар бермоқда.
Канаданинг "Торонто" клубида ўтказган уч йиллик фаолиятидан сўнг, 34 ёшли италиялик энди клубсиз. Манбага кўра, Инсинье А Серияга қайтмоқчи, аммо бошқа чемпионатлар учун ҳам очиқ. Масалан, вингерга Бундеслига қизиқ. Таъкидланишича, Инсинье учун молиявий масала устувор эмас.
"Торонто" таркибида Инсинье барча мусобақаларда 76 та ўйинда майдонга тушиб, 19 та гол урди ва 16 та голли узатмани амалга оширди. Футболчи ўтган ёздан бери янги жамоа қидирмоқда.
