"Liverpul"ning inqirozi davom etmoqda: Angliyaning amaldagi chempioni shanba kuni APL doirasida o‘z uyida "Nottingem Forest"ga yirik hisobda yutqazdi (0:3). Murabbiy o‘zgarishi mumkinligi haqida gap-so‘zlar ko‘paymoqda, ammo Arne Slot tez orada ishdan bo‘shatilishi dargumon. indykaila News xabariga ko‘ra, "qizillar" rahbariyati hamon niderlandiyalik murabbiyni to‘liq qo‘llab-quvvatlamoqda. Klub xo‘jayinlari mutaxassisga vaziyatni o‘zgartirish uchun 2026 yil boshigacha vaqt beradi.
"Liverpul"dagilar Slottning qobiliyatiga shubha qilishmayapti va u jamoa bilan yana muvaffaqiyatga erisha olishiga ishonishmoqda. Eslatib o‘tamiz, u o‘z lavozimida o‘tgan mavsum boshidan buyon ishlamoqda.
