"Ливерпуль"нинг инқирози давом этмоқда: Англиянинг амалдаги чемпиони шанба куни АПЛ доирасида ўз уйида "Ноттингем Форест"га йирик ҳисобда ютқазди (0:3). Мураббий ўзгариши мумкинлиги ҳақида гап-сўзлар кўпаймоқда, аммо Арне Слот тез орада ишдан бўшатилиши даргумон. indykaila News хабарига кўра, "қизиллар" раҳбарияти ҳамон нидерландиялик мураббийни тўлиқ қўллаб-қувватламоқда. Клуб хўжайинлари мутахассисга вазиятни ўзгартириш учун 2026 йил бошигача вақт беради.

"Ливерпуль"дагилар Слоттнинг қобилиятига шубҳа қилишмаяпти ва у жамоа билан яна муваффақиятга эриша олишига ишонишмоқда. Эслатиб ўтамиз, у ўз лавозимида ўтган мавсум бошидан буён ишламоқда.