"Manchester Siti" bosh murabbiyi Xosep Gvardiola hujumchi Klaudio Echeverrining holati haqida gapirdi.
Argentinalik futbolchi yozda "Bayer"ga ijaraga ketgan, ammo u yerda yetarlicha o‘yin amaliyotiga ega bo‘lmayapti.
"Ijarada futbolchilar ko‘plab daqiqalarga ega bo‘lishini doim istaymiz. Biz Echeverrini futbolchi sifatida nihoyatda qadrlaymiz. "Bayer"da nimalar bo‘layotganini o‘sha yerda so‘rash kerak. Bilmadim. Uning agenti bilan gaplashing, u hamma narsani biladi.
"Manchester Siti" yanvarda Echeverrini qaytarishi mumkinmi? Bu savol uning agentiga berilishi kerak," - dedi Gvardiola jurnalistlarga.
Klaudio Echeverri "Bayer" safida 8 o‘yinda atigi 240 daqiqa harakat qildi. Hujumchi gollarda ishtirok eta olmadi.
