"Манчестер Сити" бош мураббийи Хосеп Гвардиола ҳужумчи Клаудио Эчеверрининг ҳолати ҳақида гапирди.
Аргентиналик футболчи ёзда "Байер"га ижарага кетган, аммо у ерда етарлича ўйин амалиётига эга бўлмаяпти.
"Ижарада футболчилар кўплаб дақиқаларга эга бўлишини доим истаймиз. Биз Эчеверрини футболчи сифатида ниҳоятда қадрлаймиз. "Байер"да нималар бўлаётганини ўша ерда сўраш керак. Билмадим. Унинг агенти билан гаплашинг, у ҳамма нарсани билади.
"Манчестер Сити" январда Эчеверрини қайтариши мумкинми? Бу савол унинг агентига берилиши керак," - деди Гвардиола журналистларга.
Клаудио Эчеверри "Байер" сафида 8 ўйинда атиги 240 дақиқа ҳаракат қилди. Ҳужумчи голларда иштирок эта олмади.
