"Barselona" vingeri Rafinya Dias "Chelsi"ga qarshi o‘yin oldidan "Stemford Bridj"dagi xotiralari haqida gapirdi.
"Bu stadionda o‘ynash imkoniyati men uchun juda o‘ziga xos. Bu stadionni juda yaxshi ko‘raman, bu yerda bir necha bor o‘ynaganman va gol urganman, ertaga yana shunday qilishni umid qilaman. Murabbiy maydonga chiqaradigan bo‘lsa, jamoaga yordam berishga harakat qilaman. Qo‘limdan kelganini qilaman. O‘yinlarga qaytish imkoniyati men uchun juda muhim. Men deyarli ikki oy maydondan chetda edim, futbolchi uchun shuncha vaqtni o‘tkazib yuborish juda qiyin. Mening vaziyatimdan ham qiyinroq holatlar bo‘ladi, lekin men har doim maydonda bo‘lishni xohlayman va bu davr men uchun oson bo‘lmadi", - dedi 28 yoshli braziliyalik futbolchi.
