"Барселона" вингери Рафинья Диас "Челси"га қарши ўйин олдидан "Стэмфорд Бридж"даги хотиралари ҳақида гапирди.
"Бу стадионда ўйнаш имконияти мен учун жуда ўзига хос. Бу стадионни жуда яхши кўраман, бу ерда бир неча бор ўйнаганман ва гол урганман, эртага яна шундай қилишни умид қиламан. Мураббий майдонга чиқарадиган бўлса, жамоага ёрдам беришга ҳаракат қиламан. Қўлимдан келганини қиламан. Ўйинларга қайтиш имконияти мен учун жуда муҳим. Мен деярли икки ой майдондан четда эдим, футболчи учун шунча вақтни ўтказиб юбориш жуда қийин. Менинг вазиятимдан ҳам қийинроқ ҳолатлар бўлади, лекин мен ҳар доим майдонда бўлишни хоҳлайман ва бу давр мен учун осон бўлмади", - деди 28 ёшли бразилиялик футболчи.
