"Bayer" yarimhimoyachisi Aleish Garsiya "Manchester Siti"da Pep Gvardiola bilan birga ishlaganini esladi.

Bugun "Manchester Siti" Chempionlar ligasining 5-turida "Bayer"ni qabul qiladi. Garsiya 2016/17 yilgi mavsumda "shaharliklar" sharafini himoya qilgan.

"Men tabiatan qiziquvchan futbolchiman: menga taktika va sodir bo‘layotgan voqealarning sabablarini tushunish yoqadi. Gvardiola raqib qanday pressing qilgani yoki qanday himoyalanayotganiga qarab, umuman har xil izoh berishi mumkin edi. Resurslar cheksiz edi.

U futbolga mukkasidan ketgan. Shu ma’noda yo aqlli bo‘lish va o‘rganishga intilish, yoki ortda qolmaslik kerak edi, chunki har kuni yangi ma’lumot olardingiz. U hamma narsa, hatto eng mayda tafsilotlarigacha mukammal bo‘lishini xohlardi. Bu uning muvaffaqiyatining kaliti edi.

Uning hali ham "Siti"da bo‘lishini hech kim tasavvur qila olmasdi, deb o‘ylayman, lekin u boshqalardan farq qiladi. U klub afsonasi. Uni yana ko‘rganimdan xursandman. So‘nggi vaqtlarda biz xat yozishmadik, ammo bir nechta golf turnirlarida uchrashdik, u bilan vaqt o‘tkazish har doim yoqimli", - dedi Garsiya.