"Байер" яримҳимоячиси Алеиш Гарсия "Манчестер Сити"да Пеп Гвардиола билан бирга ишлаганини эслади.
Бугун "Манчестер Сити" Чемпионлар лигасининг 5-турида "Байер"ни қабул қилади. Гарсия 2016/17 йилги мавсумда "шаҳарликлар" шарафини ҳимоя қилган.
"Мен табиатан қизиқувчан футболчиман: менга тактика ва содир бўлаётган воқеаларнинг сабабларини тушуниш ёқади. Гвардиола рақиб қандай прессинг қилгани ёки қандай ҳимояланаётганига қараб, умуман ҳар хил изоҳ бериши мумкин эди. Ресурслар чексиз эди.
У футболга муккасидан кетган. Шу маънода ё ақлли бўлиш ва ўрганишга интилиш, ёки ортда қолмаслик керак эди, чунки ҳар куни янги маълумот олардингиз. У ҳамма нарса, ҳатто энг майда тафсилотларигача мукаммал бўлишини хоҳларди. Бу унинг муваффақиятининг калити эди.
Унинг ҳали ҳам "Сити"да бўлишини ҳеч ким тасаввур қила олмасди, деб ўйлайман, лекин у бошқалардан фарқ қилади. У клуб афсонаси. Уни яна кўрганимдан хурсандман. Сўнгги вақтларда биз хат ёзишмадик, аммо бир нечта гольф турнирларида учрашдик, у билан вақт ўтказиш ҳар доим ёқимли", - деди Гарсия.
