Portugaliya terma jamoasi bosh murabbiyi Roberto Martines nega Krishtianu Ronalduga ishonishda davom etayotgani va 40 yoshli forvardni asosiy tarkibda tushirayotganini tushuntirdi.

"Ronaldu haqida har kimning o‘z fikri bor. Lekin men bir narsani ko‘ryapman: biz g‘alaba qozonganimizda va Krishtianu bir yoki ikki gol urganida, matbuot "Ronaldu o‘yinni tugatganida nima qilasizlar? Jamoa unga juda bog‘liq". Agar u gol ura olmasa, savol boshqacha bo‘ladi: "Agar tarkibingizda 40 yoshli o‘yinchi bo‘lsa, qanday qilib g‘alaba qozonmoqchisiz?"

Biz uchun hammasi ancha oson. U so‘nggi 30 o‘yinda 25 ta gol urgani uchun o‘ynamoqda. Uning statistikasi aql bovar qilmaydi. U terma jamoa ixtiyoriga kelganida professionallik, ishga bo‘lgan munosabat va har kuni yaxshiroq bo‘lishga intilish namunasi bo‘ladi. U erkaklar futboli tarixida milliy terma jamoa safida 227 ta o‘yin o‘tkazgan yagona futbolchi hisoblanadi.

Hozir xulq-atvor ko‘p narsani hal qiladi. Xalqaro futbolda hech kim bekorga hech narsa olmaydi. Har bir o‘yinchi nihoyatda raqobatbardosh. Ammo gollardan tashqari, biz Krishtianudan avvalgidek sport ochligini olamiz. Ronaldu futbolchi sifatida o‘zgardi. U endi biz eslaydigan 18-19 yoshli vinger emas, ammo uning munosabati va mamlakat uchun o‘ynash istagi uni kiyinish xonasida yuqumli kayfiyatning ajoyib manbasiga aylantiradi", - dedi Martines Sky Sports’ga bergan intervyusida.