Madridning "Real" klubi bosh murabbiyi Xabi Alonso "Olimpiakos"ga qarshi o‘yin oldidan jamoadagi kelajagi haqida fikr bildirdi.

"Men faqat mashg‘ulotlarda va o‘yinda bo‘lishi mumkin bo‘lgan ishlar haqida o‘ylayman. Qolgani bilan ishim yo‘q. Tashqaridagi gap-so‘zlarga e’tibor bermaymiz, o‘z mehnatimizga, o‘yinimizga, kiyim almashtirish xonasidagi munosabatimizga, maqsadlarimizga e’tibor berishimiz kerak.

Biz "futbolchilar murabbiyni ishdan olishmoqchi" kabi yangiliklarga chalg‘imaymiz. Murabbiyni ishdan bo‘shatishga qodir futbolchilar bormi degan savolga kelsak, bunga javob bermayman, men o‘z futbolchilarimni hurmat qilaman", - dedi 44 yoshli ispaniyalik mutaxassis.