"Barselona" Chempionlar Ligasi doirasida "Chelsi"ga yirik hisobda yutqazdi (0:3). 44-daqiqada kataloniyaliklar 10 kishi bo‘lib qoldi - himoyachi Ronald Arauxo ikkinchi sariq kartochkani oldi. O‘sha paytda hisob 1:0 edi. Ikkinchi bo‘limda "ko‘klar" son jihatdan ustunlikdan foydalanib, hisobni yirik ko‘rinishga olib keldi.
"Arauxoga nima uchun birinchi sariq kartochka ko‘rsatilganini bilmayman. Ikkinchisiga kelsak, u bu folni ishlatmasligi mumkin edi. Unga nima qilish kerakligini aytib bera olaman deb o‘ylayman. Futbolda bunday holatlar bo‘lib turadi," - deya "Barselona" bosh murabbiyi Xans-Diter Flikning so‘zlarini keltiradi Barca Universal.
La Liga grandi keyingi turda o‘z maydonida Germaniyaning "Ayntraxt" klubiga qarshi bahs olib boradi.
