"Барселона" Чемпионлар Лигаси доирасида "Челси"га йирик ҳисобда ютқазди (0:3). 44-дақиқада каталонияликлар 10 киши бўлиб қолди - ҳимоячи Рональд Араухо иккинчи сариқ карточкани олди. Ўша пайтда ҳисоб 1:0 эди. Иккинчи бўлимда "кўклар" сон жиҳатдан устунликдан фойдаланиб, ҳисобни йирик кўринишга олиб келди.

"Араухога нима учун биринчи сариқ карточка кўрсатилганини билмайман. Иккинчисига келсак, у бу фолни ишлатмаслиги мумкин эди. Унга нима қилиш кераклигини айтиб бера оламан деб ўйлайман. Футболда бундай ҳолатлар бўлиб туради," - дея "Барселона" бош мураббийи Ханс-Дитер Фликнинг сўзларини келтиради Barca Universal.

Ла Лига гранди кейинги турда ўз майдонида Германиянинг "Айнтрахт" клубига қарши баҳс олиб боради.