"Manchester Siti" yarimhimoyachisi Bernardu Silva Portugaliya terma jamoasi bilan jahon chempionligini qo‘lga kiritish niyatida ekanini ma’lum qildi.

"Mening har doim shunday maqsadim bo‘lgan. Futbolda men tasavvur qilganimdan ham ko‘proq narsaga erishdim. Men har doim APL va Chempionlar Ligasida g‘olib bo‘lishni orzu qilganman, ammo menga hali ham juda muhim narsa - Portugaliya uchun bosh sovrin yetishmayapti. Men ikki marta Millatlar Ligasida g‘olib bo‘lganman va menga Portugaliya terma jamoasi bilan Yevropa chempionati yoki jahon chempionatida g‘alaba qozonish yetishmayapti. Yoshim o‘tib borayotgani uchun vaqtim kamdek tuyula boshladi, ammo biz kurashamiz va ushbu jahon chempionatida o‘z maqsadimizga erishishga harakat qilamiz", dedi Silva.