"Манчестер Сити" яримҳимоячиси Бернарду Силва Португалия терма жамоаси билан жаҳон чемпионлигини қўлга киритиш ниятида эканини маълум қилди.

"Менинг ҳар доим шундай мақсадим бўлган. Футболда мен тасаввур қилганимдан ҳам кўпроқ нарсага эришдим. Мен ҳар доим АПЛ ва Чемпионлар Лигасида ғолиб бўлишни орзу қилганман, аммо менга ҳали ҳам жуда муҳим нарса - Португалия учун бош соврин етишмаяпти. Мен икки марта Миллатлар Лигасида ғолиб бўлганман ва менга Португалия терма жамоаси билан Европа чемпионати ёки жаҳон чемпионатида ғалаба қозониш етишмаяпти. Ёшим ўтиб бораётгани учун вақтим камдек туюла бошлади, аммо биз курашамиз ва ушбу жаҳон чемпионатида ўз мақсадимизга эришишга ҳаракат қиламиз", деди Силва.