"Real"ning fransiyalik yulduz hujumchisi Kilian Mbappe Chempionlar ligasida navbatdagi xet-trikni ("Olimpiakos"ga qarshi o‘yinda poker qayd etdi) rasmiylashtirib, musobaqa tarixida eng ko‘p xet-trik qayd etgan futbolchilar reytingida yuqoriladi.
Hozirga qadar Mbappe Chempionlar ligasida 5 marta xet-trik muallifi bo‘lgan. Bu ko‘rsatkich undan faqat uch nafar futbolchida yuqoriroq.
Chempionlar ligasi tarixida eng ko‘p xet-triklar:
Lionel Messi — 8
Krishtianu Ronaldu — 8
Robert Levandovski — 6
Kilian Mbappe — 5
Karim Benzema — 4
E’tiborli jihati shundaki, Mbappe hali 26 yoshda, ya’ni u bu ro‘yxatdagi yetakchilar ko‘rsatkichini yangilash uchun yetarlicha vaqt va imkoniyatga ega.
