“Kristal Pelas” qishki transfer oynasida markaziy yarim himoyachi Jo Uillokni jamoaga qo‘shib olish imkoniyatini o‘rganmoqda.
“Arsenal” tarbiyalanuvchisi hozirda “Nyukasl” tarkibidagi o‘rnini yo‘qotib bormoqda. Yozda Jeykob Remzining "Aston Villa"dan sotib olinishidan so‘ng, Uillok jamoada deyarli oltinchi tanlovga aylangan.
Londonliklar bitim amalga oshishi mumkin, deb hisoblamoqda va 26 yoshli futbolchini kelasi oy Londonga qaytarishni istamoqda.
Ma’lum qilinishicha, “Nyukasl” Uillok uchun avval to‘lagan taxminan 21 million funtga yaqin miqdorda pul talab qilishi mumkin. Bu qaror klubning PSR (moliyaviy barqarorlik qoidalari) talablarini bajarishi bilan bog‘liq.
Uillok joriy mavsumda jami 8 ta o‘yinda 277 daqiqa maydonda harakat qildi va 1 ta golli uzatma berdi.
