Frankfurtning "Ayntraxt" klubi bosh murabbiyi Dino Toppmyoller Chempionlar ligasi 5-turidan o‘rin olgan "Atalanta"ga qarshi o‘yinni sarhisob qildi. Nemis klubining Italiya klubi bilan uchrashuvi 0:3 hisobida yakunlandi.

"Birinchi bo‘limni yomon o‘tkazmadik, Fares va Mario uchun vaziyatlar yaratdik. Agar biz bu darajadagi o‘yinlarda g‘alaba qozonishni istasak, bunday vaziyatlardan foydalanishimiz kerak. "Atalanta" ketma-ket ikki marta darvoza ustuniga zarba bergach, o‘yin o‘zgardi - shundan so‘ng ular kuchaydi. Shunday bo‘lsa-da, tanaffusda g‘alaba qozonishimiz mumkinligini his qildik", - deya murabbiyning so‘zlarini keltiradi jamoa rasmiy sayti.

Bu uchrashuvdan so‘ng "Ayntraxt" 4 ochko bilan 28-o‘rinda, "Atalanta" 10 ochko bilan o‘ninchi o‘rinda bormoqda.