Madridning "Real" klubi sobiq futbolchisi Stiv Makmanaman Yevropa Chempionlar Ligasi umumiy bosqichidan o‘rin olgan "PSV"ga (1:4) qarshi o‘yindan so‘ng "Liverpul" ustozi Arne Slotning kelajagi haqida fikr bildirdi.
"Iste’fo haqida o‘ylashga hali erta. Bu haqiqatga aylanishi uchun Chempionlar Ligasidan tushib ketish va Premyer-Liga turnir jadvalida quyi o‘rinlarni egallash kerak. "Liverpul" yanvar oyida "Arsenal"ga qarshi o‘yinni kutmoqda. O‘ylaymanki, o‘shanda qandaydir xulosalar chiqarish mumkin bo‘ladi", - deya sobiq futbolchining so‘zlarini keltiradi Daily Mail.
Angliya chempionatining 12-turidan keyin "Liverpul" 18 ochko bilan turnir jadvalida to‘qqizinchi o‘rinda bormoqda. Slot shogirdlari peshqadam "Arsenal"dan 11 ochko ortda qolmoqda.
