Мадриднинг "Реал" клуби собиқ футболчиси Стив Макманаман Европа Чемпионлар Лигаси умумий босқичидан ўрин олган "ПСВ"га (1:4) қарши ўйиндан сўнг "Ливерпуль" устози Арне Слотнинг келажаги ҳақида фикр билдирди.

"Истеъфо ҳақида ўйлашга ҳали эрта. Бу ҳақиқатга айланиши учун Чемпионлар Лигасидан тушиб кетиш ва Премьер-Лига турнир жадвалида қуйи ўринларни эгаллаш керак. "Ливерпуль" январь ойида "Арсенал"га қарши ўйинни кутмоқда. Ўйлайманки, ўшанда қандайдир хулосалар чиқариш мумкин бўлади", - дея собиқ футболчининг сўзларини келтиради Daily Mail.

Англия чемпионатининг 12-туридан кейин "Ливерпуль" 18 очко билан турнир жадвалида тўққизинчи ўринда бормоқда. Слот шогирдлари пешқадам "Арсенал"дан 11 очко ортда қолмоқда.