Yarimhimoyachi Bernardu Silva so‘nggi mavsumini "Manchester Siti"da o‘tkazayotgan bo‘lishi mumkin.

Yulduz portugaliyalikning shartnomasi kelasi yozda tugaydi, tomonlar hamkorlikni davom ettirmaslikka qaror qilishi ehtimoli yuqori. Ma’lumki, 31 yoshli futbolchiga Saudiya Arabistoni ligasi vakillari da’vogarlik qilmoqda, shuningdek, unga "Yuventus" va "Milan" klublari ham qiziqish bildirayotgani haqida bir necha bor xabarlar tarqalgan.

Calciomercato xabariga ko‘ra, Silva faoliyatini Yevropaning top-chempionatida davom ettirmoqchi, shu bois Italiyaga ko‘chib o‘tishga bemalol ruxsat beradi.

Transfermarkt ekspertlari "shaharliklar" sardorining narxini 32 mln yevroga baholamoqda. Futbolchi 2017 yildan buyon "Manchester Siti" sharafini himoya qilib kelmoqda.