Яримҳимоячи Бернарду Силва сўнгги мавсумини "Манчестер Сити"да ўтказаётган бўлиши мумкин.
Юлдуз португалияликнинг шартномаси келаси ёзда тугайди, томонлар ҳамкорликни давом эттирмасликка қарор қилиши эҳтимоли юқори. Маълумки, 31 ёшли футболчига Саудия Арабистони лигаси вакиллари даъвогарлик қилмоқда, шунингдек, унга "Ювентус" ва "Милан" клублари ҳам қизиқиш билдираётгани ҳақида бир неча бор хабарлар тарқалган.
Calciomercato хабарига кўра, Силва фаолиятини Европанинг топ-чемпионатида давом эттирмоқчи, шу боис Италияга кўчиб ўтишга бемалол рухсат беради.
Transfermarkt экспертлари "шаҳарликлар" сардорининг нархини 32 млн еврога баҳоламоқда. Футболчи 2017 йилдан буён "Манчестер Сити" шарафини ҳимоя қилиб келмоқда.
