Amerika kubogi tashkilotchilari 2024 yilgi final o‘yinini tashkil etish bo‘yicha muxlislarning shikoyatlari tufayli ochilgan ish bo‘yicha 12 million dollar to‘lash bo‘yicha kelishuvga erishdi. Bu haqda ESPN xabar bermoqda.
Mayamidagi "Hard Rock" stadionida bo‘lib o‘tgan Argentina va Kolumbiya terma jamoalari o‘rtasidagi o‘yin ommaviy tartibsizliklar bilan kechdi. Chiptasi bor muxlislarning bir qismi o‘yinga kira olmadi, ularning o‘rniga chiptasiz muxlislar kirib ketdi. Tomoshabinlar oqimi va mahalliy xizmatlarning bunga dosh bera olmasligi uchrashuv boshlanishining kechikishiga olib keldi.
Tashkilotchilar o‘yinga kira olmaganlar, shuningdek, oziq-ovqat sotib olish kabi stadionning ichki xizmatidan foydalana olmaganlarga kompensasiya to‘lashga tayyor ekanliklarini ma’lum qilishdi. 1 kishi uchun kompensasiya miqdori muayyan vaziyatga qarab 260 dan 1730 yevrogacha o‘zgarib turadi.
To‘lovlarning umumiy miqdori 12 milliondan ortiq bo‘lishi mumkinligi allaqachon qayd etilgan.
