Америка кубоги ташкилотчилари 2024 йилги финал ўйинини ташкил этиш бўйича мухлисларнинг шикоятлари туфайли очилган иш бўйича 12 миллион доллар тўлаш бўйича келишувга эришди. Бу ҳақда ESPN хабар бермоқда.
Майамидаги "Hard Rock" стадионида бўлиб ўтган Аргентина ва Колумбия терма жамоалари ўртасидаги ўйин оммавий тартибсизликлар билан кечди. Чиптаси бор мухлисларнинг бир қисми ўйинга кира олмади, уларнинг ўрнига чиптасиз мухлислар кириб кетди. Томошабинлар оқими ва маҳаллий хизматларнинг бунга дош бера олмаслиги учрашув бошланишининг кечикишига олиб келди.
Ташкилотчилар ўйинга кира олмаганлар, шунингдек, озиқ-овқат сотиб олиш каби стадионнинг ички хизматидан фойдалана олмаганларга компенсация тўлашга тайёр эканликларини маълум қилишди. 1 киши учун компенсация миқдори муайян вазиятга қараб 260 дан 1730 еврогача ўзгариб туради.
Тўловларнинг умумий миқдори 12 миллиондан ортиқ бўлиши мумкинлиги аллақачон қайд этилган.
