"Chelsi" Chempionlar ligasida "Barselona"ni mag‘lub etdi (3:0) va endi APL doirasidagi "Arsenal"ga qarshi o‘yinga tayyorgarlik ko‘rmoqda. "Aristokratlar" bosh murabbiyi Enso Mareska bo‘lajak o‘yin haqida fikr bildirdi.

"Aytganimdek, bizni yana bir katta o‘yin kutib turibdi. "Barselona"ni mag‘lub etdik, bu yaxshi hissiyot edi. Keyingi o‘yin muhimroqmi? Bilmadim. Barcha o‘yinlar muhim. Albatta, "Barselona" yoki "Arsenal" kabi jamoalarni mag‘lub etish yoqimli, ammo ular uchun ham boshqa g‘alabalar kabi 3 ochkodan beriladi. "Arsenal"ni mag‘lub etish uchun qo‘limizdan kelganini qilishga harakat qilamiz, keyin esa ko‘ramiz," - dedi Mareska matbuot anjumanida.

"Chelsi" va "Arsenal" o‘rtasidagi o‘yin 30 noyabr kuni Toshkent vaqti bilan 21:30da boshlanadi.