"Челси" Чемпионлар лигасида "Барселона"ни мағлуб этди (3:0) ва энди АПЛ доирасидаги "Арсенал"га қарши ўйинга тайёргарлик кўрмоқда. "Аристократлар" бош мураббийи Энцо Мареска бўлажак ўйин ҳақида фикр билдирди.
"Айтганимдек, бизни яна бир катта ўйин кутиб турибди. "Барселона"ни мағлуб этдик, бу яхши ҳиссиёт эди. Кейинги ўйин муҳимроқми? Билмадим. Барча ўйинлар муҳим. Албатта, "Барселона" ёки "Арсенал" каби жамоаларни мағлуб этиш ёқимли, аммо улар учун ҳам бошқа ғалабалар каби 3 очкодан берилади. "Арсенал"ни мағлуб этиш учун қўлимиздан келганини қилишга ҳаракат қиламиз, кейин эса кўрамиз," - деди Мареска матбуот анжуманида.
"Челси" ва "Арсенал" ўртасидаги ўйин 30 ноябрь куни Тошкент вақти билан 21:30да бошланади.
