Iste’foga chiqish arafasida turgan "Lids" bosh murabbiyi Daniel Farke "Manchester Siti"ga qarshi o‘yin oldidan o‘z fikrlarini bildirib o‘tdi.

APL o‘n uchinchi tur o‘yini 29 noyabr kuni bo‘lib o‘tadi va Toshkent vaqti bilan soat 20:00 da boshlanadi.

"Menga shov-shuv futbolchilarga emas, murabbiyga qaratilganligi juda yoqadi. O‘z karyerasi haqida o‘ylamaydigan, xotirjam murabbiy bo‘lish kerak. Gap "Lids" uzoq muddatli istiqbolda APLda qolishi mumkinligi haqida ketmoqda," - deya mutaxassisning so‘zlarini keltiradi The Guardian.

"Biz ko‘p tanqidlar eshityapmiz, lekin yashirinishning hojati yo‘q. Agar bosimga chiday olmasangiz, "Lids" murabbiyi bo‘lmang. Bu mavsum yengil o‘tmasligini kutgandim," - deya qo‘shimcha qildi Farke.

"Lids" 11 ochko bilan o‘n sakkizinchi o‘rinda bormoqda. "Manchester Siti" 22 ochko bilan uchinchi o‘rinda.