"Liverpul" kelasi yozgi transfer oynasida katta xaridlar amalga oshirmoqchi.
Football Insider xabariga ko‘ra, mersisaydliklar yulduz yarim himoyachi Vitinya uchun kurashga kirishi mumkin. Shu bilan birga, materialda qayd etilishicha, "qizillar" Vitinya uchun faqat hujumchi Muhammad Salohni sotish sharti bilan kurashishi mumkin. Misrlik superyulduz kelasi yozda Saudiya Arabistoniga yo‘l olishi mumkin.
Avvalroq, 25 yoshli Vitinyaga Madridning "Real" klubi qiziqish bildirayotgani haqida xabarlar tarqalgan edi. Nufuzli Transfermarkt portali mutaxassislari "PSJ"ning portugaliyalik yarim himoyachisini 90 million yevroga baholamoqda.
