Madridning "Real" klubi bosh murabbiyi Xabi Alonso jamoaning bir qator yetakchilari bilan uchrashdi. Muhokamalar Afinada "qaymoqranglilar" Chempionlar Ligasi doirasida "Olimpiakos" ustidan qozonilgan g‘alabadan (4:3) ko‘p o‘tmay bo‘lib o‘tdi, deb xabar bermoqda jurnalist Migel Anxel Dias.
Qayd etilishicha, uchrashuvda Vinisius Junior va Federiko Valverde ishtirok etgan. Bosh murabbiy jamoadagi hozirgi vaziyat bo‘yicha futbolchilarning fikrini eshitdi.
Bugun "Real" La Liganing 14-turida "Jirona" mehmoni bo‘ladi. Bellashuv Toshkent vaqti bilan 01:00 da start olishi rejalashtirilgan. G‘alaba qozongan taqdirda, Madrid grandi jadvalning birinchi o‘rniga qaytadi.
