Мадриднинг "Реал" клуби бош мураббийи Хаби Алонсо жамоанинг бир қатор етакчилари билан учрашди. Муҳокамалар Афинада "қаймоқранглилар" Чемпионлар Лигаси доирасида "Олимпиакос" устидан қозонилган ғалабадан (4:3) кўп ўтмай бўлиб ўтди, деб хабар бермоқда журналист Мигель Анхель Диас.
Қайд этилишича, учрашувда Винисиус Жуниор ва Федерико Вальверде иштирок этган. Бош мураббий жамоадаги ҳозирги вазият бўйича футболчиларнинг фикрини эшитди.
Бугун "Реал" Ла Лиганинг 14-турида "Жирона" меҳмони бўлади. Беллашув Тошкент вақти билан 01:00 да старт олиши режалаштирилган. Ғалаба қозонган тақдирда, Мадрид гранди жадвалнинг биринчи ўрнига қайтади.













